Innbuforsikring

For å bestemme forsikringssummen på innbuet ditt bør du prøve å få oversikt over kor store verdiar du har i bustaden din og tilpasse forsikringa til dette. Du bør dekke summen på eigedelane dine i tilfelle brann og andre skadar. Eit utgangspunkt kan vere å rekne om lag 500 000 kroner per vaksen som bur i huset, men dette er veldig individuelt.

Forsikringssummen blir ofte sett for lågt og vi får ikkje erstatta alle eigedelane dine. Treng du rettleiing, er det berre til å ta kontakt med oss.

Innbuforsikringa dekkjer eigedelane du har i heimen din. Slik som klede, møblar, umontert pynt, kjøkkenutstyr og andre ting du har i heimen din. Med vanleg innbuforsikring blir brann, vasskadar og tjuveri dekt i tillegg til identitetstjuveri og viss du må bygge om heimen sidan nokon blir rullestolbrukar.

Med Innbu Pluss får du også dekning for plutselege skadar på eigedelane dine heime, skade på eigedelane dine ved flytting og uhellsforsikring som dekkjer plutselege skadar på tinga dine uansett kvar du er i verda.

Skadar på el-sparkesykkelen er dekt av innbuforsikringa, men du må ha ei eiga ansvarsforsikring ved bruk av el-sparkesykkel eller andre småelektriske køyretøy. Den kan du lese meir om og kjøpe her.

Standard eigenandel på innbuforsikring er 4000 kroner. Om du har valt Innbu Pluss er eigenandelen berre 2000 kroner ved uhell. Om du vel å justere opp eigenandelen kan det gi lågare pris på forsikringa.

Innbuforsikringa gjeld for den som har kjøpt forsikringa, i tillegg til ektefelle/sambuar og barn som er folkeregistrert på same adresse. Bur for eksempel ungdommen mellombels borte på grunn av studiar eller militærteneste, gjeld innboforsikringa så lenge folkeregistrert adresse er heime.

Hugs at foreldres innbuforsikring ikkje dekkjer mellombels bustad ved skade på hybel/leilegheit. Til dette krevst det at ungdommen har ei eiga innbuforsikring.