Hopp til innholdet
Bli kunde Bytt til bedrift
Ung kvinne smiler medan ho betaler kontaktlaust med mobiltelefon ved ein butikkdisk i eit kjøpesenter.
Kontaktlaus betaling er både rask og trygg, så lenge du kombinerer det med litt sunn skepsis.
Sikkerhet

Frå lurelenkjer til falske superkupp – slik vernar du deg i Black Week og heile november

Black Week og førjulstida er travle – og svindlarane veit det. Her får du enkle råd, kvalitetssikra av Eikas tryggleikssjef Frederik Nicolaisen, som hjelper deg å avsløre falske tilbod, lurelenkar, telefonsvindel og «for gode til å vere sant»-investeringar før du klikkar.

Frederik Nicolaisen, tryggleikssjef i Eika, deler enkle råd som hjelper deg å unngå svindel i Black Week og førjulstida. Det viktigaste tipset hans er klart: «Aldri del BankID-passordet ditt eller kode fra kodebrikken. Ikke med noen – uansett hva de sier eller hvor ekte det virker.»

 «Mobil lommebok gir et ekstra lag sikkerhet, men sunn skepsis må alltid være med – spesielt i Black Week.»

– Frederik Nicolaisen, tryggleikssjef i Eika

Visste du at... 

…mange falske nettbutikkar blir avslørte på nettadressa? Éin ekstra bokstav eller rar ending kan vere nok

…SMS-lenker til «pakker» og «leveringsgebyr» er ofte svindel? Sjekk sendinga i den offisielle appen eller på nettsida i staden.

Sikkerheitssjefens 5 tips + 10-sekunders tryggleikssjekk

Vipps, Apple Pay, Google Pay og Samsung Pay brukar eingongskodar (tokenisering). Det betyr at kortnummeret ditt ikkje blir delt med butikken eller nettbutikken, og du godkjenner med biometri som ansiktsgjenkjenning, fingeravtrykk eller kode på mobilen din.

Vår tilråding

  • Legg inn alle kort i dei lommebøkene du føretrekkjer: Vipps/Apple Pay/Google Pay/Samsung Pay osv.
  • Aktiver tæpping i butikk (kontaktlaus/NFC).
  • Bruk desse eller andre kjende betalingsløysingar og seriøse aktørar når du handlar.

I Black Week dukkar det opp ekstra mange kopibutikkar og «supertilbod».

  • Ekstreme rabattar og «kun i dag» er raude flagg. Sjekk nettadressa nøye (stavefeil/rare domene).
  • Seriøse aktørar har organisasjonsnummer, adresse, returinfo og reelle kontaktpunkt.
  • Betal via kjende løysingar – aldri til privatkonto.
  • Søk «butikknamn + erfaring» før du handlar.

Hugs: Gå inn i butikken via eigen nettlesar eller app – ikkje via lenker du har fått tilsendt. 

«Flere supertilbud betyr også flere svindelforsøk. Gå alltid via butikken selv, ikke via lenker du får tilsendt.» Frederik Nicolaisen, sikkerhetssjef i Eika 

  • Ver forsiktig med lenker du får uventa på SMS eller e-post.
  • Trykk aldri på uventa lenker for «pakker», «gevinstar» eller «betaling».
  • Sjekk den faktiske e-postadressa til avsendaren, ikkje berre visingsnamnet.
  • Spor pakker i offisielle appar eller på nettstader, ikkje via SMS-lenker.
  • Legg aldri inn kortinfo eller BankID via ei lenke du har fått tilsendt.
  • Ingen seriøs aktør ber om BankID-passord eller kodar på telefon.
  • Nummervisning kan forfalskast.
  • Legg på, og ring tilbake på eit nummer du finn sjølv.

«Aldri del BankID-passordet ditt eller kode fra kodebrikken. Ikke med noen – uansett hva de sier eller hvor ekte det virker.» Frederik Nicolaisen, sikkerhetssjef i Eika

Har du shoppestopp, eller treng du ikkje noko nytt? Bruk høvet til å sikre økonomien mot investeringssvindel – mange blir lurte når «gode tilbod» blir bytte ut med «gode investeringar». «Garantert gevinst», «låg risiko» og «siste frist i dag» er klassiske faresignal.

Vokt deg for: uklare avsendarar, «vi ordnar alt for deg», berre dialog i chat/e-post/telefon og manglande dokumentasjon/sporbarheit.

«Gode investeringer haster ikke. Du skal ha tid til å lese, tenke – og spørre oss først.» Frederik Nicolaisen, sikkerhetssjef i Eika

Slik held du deg trygg:

  • Sjekk selskap og konsesjon i offentlege register.
  • Ikkje last ned programvare for «fjernhjelp».
  • Flytt dialogen til trygge, sporbare kanalar – be om skriftleg info.
  • Snakk med oss i Vekselbanken før du overfører større beløp.

10-sekunders tryggleikssjekk

  • Stopp: Ta eit pust i bakken – særleg i Black Week.
  •  Tenk: Er pris eller førespurnad uvanleg?
  • Sjekk: Avsendar, nettadresse og betalingsmåte.
  • Klikk aldri på ukjende lenker for pakker eller premiar.
  • Del aldri BankID-passord eller kodar.
  • Vel trygge betalingsmåtar (Vipps/Apple Pay/Google Pay m.fl.).
  • Set grenser og varsel i mobilbanken.
  • Oppdater passord og bruk totrinnsbekrefting.