Endeleg over dørstokkmila – Lisas veg til økonomisk sjølvtillit

Lisa (31) jobbar som lærar og bur på eit småbruk i Stange. Ho hadde lenge utsett pensjonssparing, men etter eit møte med ein bankrådgjevar fekk ho oppleve meistring og tryggleik.

Når økonomien blir eit ork

«Eg har prøvd å spare, men burde nok vore meir strukturert. Eg burde nok òg ha byrja med pensjonssparing,» fortel Lisa.

For henne var økonomi noko som ofte blei skyvd unna – både fordi det kjendes vanskeleg og fordi det følgde med dårleg samvit. «Det er litt flaut å seie det, men eg unngår ofte å gå inn på kontoen min.»

Som mange andre opplevde ho at dørstokkmila til å faktisk ta grep blei stadig høgare.

Møtet som snudde alt

Løysinga blei eit møte med ein bankrådgjevar. Sjølv om det kjendes uvant å skulle snakke om personleg økonomi med ein framand, bestemte ho seg for å prøve.

«Eg grudde meg litt, og synest det var rart å skulle snakke om økonomien min. Men det var mykje kjekkare enn eg trudde. Rådgjevaren var genuint interessert i meg, livet mitt og framtidsplanane mine.»

Samtalen gav henne ein heilt ny tryggleik. «Eg har jo ikkje blitt nokon ekspert etter berre eitt møte, men eg har i alle fall teke eit steg i rett retning.» 

Små grep kan gjere ein stor skilnad

Med ein ny spareavtale på plass opplevde Lisa meistring.

«No har eg byrja å spare til pensjon, og det kjennest bra. Ein kan faktisk få til ganske mykje med berre heilt enkle grep.»

Ho oppsummerer med eit smil: «Det er litt gøy at ei som er ganske dårleg med tal har blitt god med pengar.»

Vil du òg starte å spare i fond?

Snakk med ein rådgjevar i Vekselbanken – vi hjelper deg å finne ei løysing som passar for deg og økonomien din.