Korleis kome i gang?
Å kjøpe bustad er ei stor avgjerd, og det er mykje å tenkje på. Det å forstå kor mykje du kan låne er viktig. Kontakt oss for personleg rettleiing her.
Eigenkapital til bustadlån – sjekk kva du kan låne
Før du kan kjøpe bustad, må du ha oversikt over kor mykje eigenkapital du treng etter gjeldande krav – og kor mykje du kan låne. Her forklarer vi kva eigenkapital til bustadlån er, kva krav som gjeld, og kva moglegheiter du har dersom du manglar eigenkapital.
Kva er eigenkapital?
Eigenkapital er dei pengane du sjølv stiller med når du kjøper bustad. Det kan vere oppsparte midlar, arv, gåve eller verdiar du allereie har i bustad. Eigenkapitalen kjem i tillegg til bustadlånet og reduserer risikoen for banken.
Kor mykje eigenkapital må ein ha til bustadlån?
Kravet til eigenkapital ved kjøp av bustad er i dag minimum 10 prosent. Det betyr at du som hovudregel kan låne inntil 90 prosent av bustaden sin verdi, føreset at du har økonomi til å betene lånet.
Eigenkapitalkravet er fastsett gjennom boliglånsforskrifta og kan endre seg over tid. Banken vurderer alltid heilskapen i økonomien din, ikkje berre kor mykje eigenkapital du har.
Eigenkapital og bustadlån – kva påverkar kor mykje du kan låne?
Kor mykje du kan låne med eigenkapital, avheng ikkje berre av sparepengane dine. Banken ser òg på:
- inntekt og jobbsituasjon
- eksisterande gjeld og faste utgifter
- rentenivå og beteningsevne
- bustaden sin verdi og type
Sjølv med tilstrekkeleg eigenkapital må du ha økonomi til å betene lånet over tid.
Kan ein få bustadlån utan eigenkapital?
I nokre tilfelle kan det vere mogleg å kjøpe bustad utan eigenkapital. Dette krev som regel ekstra tryggleik, til dømes i form av kausjonist eller pant i bustad som er eigd av foreldre eller andre nære familiemedlemmer.
Løysingar utan eigenkapital blir vurderte individuelt og stiller høgare krav til økonomisk tryggleik.
Eigenkapital ved kjøp av sekundærbustad
Skal du kjøpe sekundærbustad, er kravet til eigenkapital normalt høgare enn ved kjøp av primærbustad. Dette skuldast auka risiko og strengare reguleringar.
Ta kontakt med banken for å få oversikt over kva krav som gjeld i di situasjon.
Slik kan du skaffe eigenkapital
Det finst fleire måtar å byggje eigenkapital på:
- sparing over tid, til dømes i BSU
- arv eller økonomisk hjelp frå familie
- auke i bustadverdi dersom du eig bustad frå før
- sal av andre eigedelar
Vegen vidare med banken
Du kan bruke lånekalkulatoren vår til å få ein indikasjon på kor mykje du kan låne, basert på inntekt, gjeld og eigenkapital.
Før du kjøper bustad, er det viktig å vite kor mykje du kan låne. Med finansieringsbevis får du ei tydeleg ramme å halde deg innanfor, og står sterkare når du skal leggje inn bod.
Bustadguiden
Det er mykje å tenkje på når du skal kjøpe, byte eller selje bustad. Vi gir deg steg-for-steg oversikt over kva du bør tenkje på både før, undervegs og etter kjøp av bustad.