Kor mykje kan eg låne til bustad?

Du kan bruke lånekalkulatoren vår for å få ei vurdering av kor mykje du kan låne, basert på inntekt, gjeld og eigenkapital. Resultatet er rettleiande, og vi vurderer alltid heilskapen i økonomien din.

Kva avgjer kor mykje du kan låne?

Når vi vurderer kor mykje du kan låne til bustad, ser vi på fleire faktorar samtidig. Det handlar både om kor mykje gjeld du allereie har, kor mykje du tener, og om du har økonomi til å tole at kostnadene aukar.

Vi vurderer mellom anna:

• inntekt og jobbsituasjon
• gjeld (inkludert studielån, billån og kredittkort)
• eigenkapital
• faste utgifter og livssituasjon (til dømes tal på barn)
• økonomisk buffer og evne til å handtere høgare rente

Kor mykje kan eg låne i forhold til inntekt?

Som hovudregel kan samla gjeld ikkje overstige fem gonger brutto årsinntekt. Dette blir kalla gjeldsgrad, og all gjeld tel med – ikkje berre bustadlånet.

Har du til dømes 600 000 kroner i inntekt, kan samla gjeld normalt ikkje vere høgare enn 3 millionar kroner. I den vurderinga inngår òg studielån, billån og kredittkortgjeld.

Kor mykje kan eg låne med eigenkapital?

Eigenkapital påverkar kor mykje du kan låne, fordi jo meir du har sjølv, desto mindre treng du å låne. Ved bustadkjøp krevst det i dag minimum 10 prosent eigenkapital.

I praksis betyr det at både eigenkapitalen din og gjeldsgraden din må vere innanfor krava. Sjølv med nok eigenkapital kan høg gjeld eller store faste utgifter redusere kor mykje du kan låne.

Kor mykje kan eg låne med kausjonist?

Dersom du manglar eigenkapital, kan det i nokre tilfelle vere mogleg å kjøpe bustad med kausjonist. Då stiller ein annan person, ofte foreldre, tryggleik for delar av lånet.

Vi vurderer både økonomien din og økonomien til kausjonisten. Kausjon kan gi deg moglegheit til å kome inn på bustadmarknaden, men det er viktig at alle forstår ansvaret som følgjer med.

Låneevne – kva kan påverke resultatet?

Mange opplever at låneevna endrar seg med livssituasjonen. Til dømes kan høgare faste utgifter, barn eller auka gjeld påverke kor mykje du kan låne. Renteendringar kan òg føre til at du får lågare låneramme enn du hadde forventa.

Er du usikker, anbefaler vi at du brukar kalkulatoren først og tek kontakt med oss for ei vurdering tilpassa situasjonen din.

Vegen vidare med oss

Når du har ei vurdering av låneevna, er neste steg ofte å skaffe finansieringsbevis. Det gir deg ei tydeleg ramme å forhalde deg til og gjer deg betre rusta når du skal leggje inn bod.

Vi hjelper deg gjerne med å sjå på moglegheitene dine og finne ein trygg plan for bustadkjøpet.

Kontakt oss for bustadlånsrådgiving