Hopp til innholdet
Søk
Bytt til privat

Sjekkliste ved bankbyte

Å byte bank for bedrifta er litt annleis enn ved eit privat bankbyte. Her får du ei sjekkliste som gjer det lettare å flytte heile kundeforholdet over. Når alt er samla hos oss, får du betre oversikt, heilskaplege løysingar og skreddarsydd rådgiving.

1. Kom i gang med nett- og mobilbank 

Nett- og mobilbanken for bedrift gir deg kontroll frå dag éin. Her får du oversikt over kontoar, betalingar og kven som har tilgang til kva. Du kan setje opp roller og rettar, slik at tilsette kan registrere betalingar, medan dei som skal godkjenne får ein enkel flyt og trygg tilgangsstyring.
Nett- og mobilbank

2. Kople banken til rekneskapen

Bankintegrasjon sparer tid og reduserer manuelle feil. Når rekneskapssystemet er kopla direkte til banken, kan betalingar, innbetalingar og avstemming gå meir automatisk – og du slepp unødvendig registrering. Hugs at du først bestiller integrasjonen hos oss i nettbanken, og deretter oppdaterer bankkontoen i rekneskapssystemet ditt.
Direkte bankintegrasjon

3. Flytt betalingstenestene dine

For at alt skal fungere saumlaust etter bankbytet, er det viktig å flytte avtalane for både betaling og innbetaling. Då unngår du stopp i betalingsflyten, manglande innbetalingar og trekk frå gammal konto. Dette bør flyttast:

  • OCR-avtale (KID-innbetalingar)
  • Betalingsterminal og kortinnløysing
  • Oppgjerkonto for Vipps
  • Oppgjerkonto for BankAxept
  • Mottakeravtale for AvtaleGiro eller Autogiro  

Med ein avtale for omnummerering sørgjer vi for at innbetalingar til den gamle kontoen din automatisk finn vegen til den nye. Har du lønsutbetalingar, AvtaleGiro eller faste betalingar? Sørg for at alt blir trekt frå ny bedriftskonto hos oss. Vi hjelper deg gjerne, så ingenting blir gløymt – og alt blir flytta riktig og effektivt.

Kontakt oss

4. Vel rett kort

Når du byter bank, er det ofte smart å byte kort samtidig. Med rett bedriftskort eller kredittkort får du betre oversikt, enklare utleggshandtering og meir fleksibilitet i kvardagen. Vi hjelper deg å velje kort etter behov – til dømes om de treng fleire kort, ulike beløpsgrenser eller tydelegare kontroll på kjøp og kostnader.
Les om korta våre

5. Flytt forsikringar, pensjon og sparing

Eit bankbyte er ei god anledning til å samle meir på éin stad. Når forsikringar, pensjon og spareløysingar heng saman med bankkvardagen, blir det enklare å få oversikt og ta gode val for bedrifta og dei tilsette. Vi tilbyr løysingar som gir tryggleik, føreseielegheit og betre rådgiving – tilpassa verksemda dykkar.

Les meir om bedriftsforsikring og pensjon.

6. Gode råd er ikkje langt unna

Vi er sparringspartnaren din og hjelper deg med gode val og løysingar. Ta gjerne kontakt med oss for ein rådgivingssamtale, så bankflyttinga til oss blir så god som mogleg. Vi tilbyr òg heilskapleg økonomisk rådgiving for deg og bedrifta di.
Kontakt oss

Sjå òg