Starte verksemd
Går du med ein draum om å starte for deg sjølv? Det er enklare enn du trur. No kan du gjere det digitalt her hos oss.
Vel selskapsform
Når du startar for deg sjølv er det viktig å tenkje på kva selskapsform du skal velje. Dei vanlegaste er enkeltpersonføretak (ENK) eller aksjeselskap (AS).
Enkeltpersonføretak er kanskje enklare å starte opp, mindre byråkratisk og passar godt viss det berre er ein eigar. Du bestemmer alt sjølv, utan styre eller aksjonærar.
Men det betyr òg at du er personleg ansvarleg for gjelda til verksemda, og du er svakare dekt ved sjukdom eller om du skulle bli arbeidsledig. Du må vise oversikt over alle inntekter og utgifter, men slepp å levere årsrekneskap. ENK passar for deg som vil drive åleine med låg risiko i drifta.
Aksjeselskap passar bra viss de er ein eller fleire eigarar, har planar om å skaffe dykk investorar og har eigenkapital å skyte inn. Dei viktigaste fordelane med eit AS er at du berre er ansvarleg for summen pengar du går inn med, sidan selskapet er ei eiga juridisk eining. Du er dekt ved sjukdom (sjukepengar) og arbeidsløyse (dagpengar). Driv du eit AS, er det krav om å levere årsrekneskap, ha eit styre og sende inn til Brønnøysund. AS passar for deg som vil byggje noko større eller har litt høgare risiko i drifta.
Under kan du lese meir om dei ulike selskapsformene og korleis du kan kome i gang.
Ulike selskapsformer
| Dekninger | Enkeltpersonføretak (ENK) | Aksjeselskap (AS) |
|---|---|---|
|
Eigarskap
|
Ein eigar |
Ein eller fleire eigarar |
|
Krav
|
Få formelle krav |
Fleire formelle krav |
|
Startkapital
|
Ingen krav til startkapital |
30 000 i startkapital |
|
Økonomisk ansvar
|
Eigaren er økonomisk ansvarleg |
Eigarar er berre økonomisk ansvarlege ved kausjonering for lån |
|
Sjukepengar
|
Sjukepengar frå sjukedag 17 (80% av sjukepengegrunnlaget) |
Sjukepengar frå første sjukedag (100% av sjukepengegrunnlaget) |
|
Dagpengar
|
Ingen dagpengar ved arbeidsløyse |
Dagpengar ved arbeidsløyse |
|
Investering
|
Ikkje investorvennleg |
Investorvennleg |
|
Sal av verksemd
|
Kan ikkje seljast, men kan gjerast om til AS |
Kan seljast |