Byggherreansvarsforsikring

Som byggherre har du eit strengt ansvar for det som skjer på byggeplassen. Ansvar kan oppstå gjennom mellom anna byggherreforskrifta, nabolova eller vanleg erstatningsrett.

Det betyr at du kan bli halde ansvarleg også for skadar entreprenørane dine ikkje kan lastast for. Skulle ei ulykke eller skade skje, kan erstatningskravet rettast direkte mot deg som byggherre – sjølv om entreprenøren har følgt alle reglar.

For å gjere det meir konkret, her er nokre situasjonar der byggherreansvarsforsikringa kan gi viktig tryggleik:

• Barn på byggeplassen: Eit barn kom seg inn på området og skadde seg alvorleg på materiale. Byggherre blei halde ansvarleg for manglande sikring av byggeplassen. 
• Skadar på naboeigedom: Ved bygging av eit bustadkompleks oppstod setningsskadar på nabobygget. Etter vurdering blei byggherre ansvarleg for erstatninga.

Byggherreansvarsforsikring blir kjøpt for heile den planlagde varigheita til byggeprosjektet, og gjeld for skadar som oppstår i denne perioden.

Forsikringa dekker òg skadar som blir oppdaga inntil eitt år etter at prosjektet er avslutta, så lenge skaden oppstod i forsikringstida.

Som byggherre må du i tillegg til byggherreansvar òg ha miljøforsikring. Fleire av dei tradisjonelle Norsk Standard-kontraktane krev no at både entreprenør og byggherre kan bli haldne ansvarlege dersom det oppstår miljøskadar under byggearbeidet.

I NS 8405 (pkt. 42.3) står det tydeleg at både byggherre og entreprenør deler ansvaret for miljøskadar.

Les meir om miljøansvar.