Treng du nokon å sparre med?
Vi veit at ingen etableringsreise er lik. Kanskje du har konkrete spørsmål om finansiering, ønskjer å diskutere vidare planar – eller berre treng nokon å tenkje høgt saman med.
Få ein god start for verksemda di
Å starte eiga verksemd er både spennande og krevjande. Det er mykje å halde styr på, og vi ønskjer å vere meir enn berre ein finansiell støttespelar – vi vil vere ein samtalepartnar du kan støtte deg til.
Difor har vi laga ei enkel og praktisk sjekkliste med nokre av dei viktigaste tinga du bør ha i tankane i oppstartsfasen. Ho er meint som eit utgangspunkt – ikkje ei fasit – og vi håpar ho kan vere til hjelp for å kome godt i gang med verksemda di.
- Lag ein realistisk forretningsplan
Ein god forretningsplan treng ikkje vere lang, men bør innehalde kva du skal selje, kven kundane dine er, og korleis du skal tene pengar. Den gir både deg og samarbeidspartnarar ei felles retning.
- Budsjett gir oversikt – og tryggleik
Set opp eit enkelt budsjett for inntekter og kostnader. Hugs også å ta høgde for uforutsette utgifter. Ein oversiktleg økonomi gjer det lettare å ta gode val – og sove betre om natta.
- Kjenn til dei faste kostnadene dine
Kva må du ha for å halde hjula i gang? Lokale, lisensar, forsikringar, marknadsføring? Å vite kva som er "må-kostnader" gjer det lettare å prioritere rett.
- Planlegg likviditeten – kontantstraumen er konge
Det er ikkje alltid inntektene kjem samtidig som utgiftene. Har du pengar tilgjengeleg i starten? Eit enkelt likviditetsbudsjett kan hjelpe deg å unngå overraskingar.
- Skaff deg gode støttespelarar
Ingen kan alt. Snakk med ein rekneskapsførar, rådgivar eller andre gründerar. Og hugs – vi i banken er her for meir enn berre lån og kontoar. Vi lyttar gjerne og sparrar med deg.
- Tenk digitalt frå starten av
Korleis kan digitale løysingar forenkle arbeidet ditt? Det finst mange smarte verktøy for fakturering, rekneskap og kundehandtering – og vi hjelper deg gjerne å finne fram i jungelen.
- Sjekk at du har rett forsikring
Er du dekt mot det uventa? Bedriftsforsikringar gir deg tryggleik – og det er lurt å gå gjennom behova dine tidleg.
- Ha ein plan for synlegheit og marknadsføring
Korleis skal kundane finne deg? Ein enkel marknadsføringsplan – sjølv om det berre er nokre punkt – kan gjere stor skilnad.