Betaling til utlandet i NettBanken
I NettBanken din – ’Betaling til utlandet’ - kan du på ein rask og enkel måte overføre pengar til mottakar i utlandet, men det krev nokre ekstra opplysningar.
Ver nøye med alle data som du legg inn. Retting av feil i ettertid er tidkrevjande og kan verta dyrt.
Forfallsdato og forfallsmappe
Dersom du vel dagens dato, vil oppdraget verta utført med ein gong. Forfall utover dagens dato vert automatisk lagd i forfallsmappa, under ’Betalinger til utlandet’.
I forfallsmappa vil det framkome rettleiande motverdi i norske kroner. Reell kurs vert sett når føring er endeleg.
Betalingar i forfallsmappa kan endrast og slettast.
Mottakarregister
Alle opplysningar om mottakar vert automatisk lagra i ’Mottakarregister utland’. Neste gong du betalar til same mottakar, klikk på ikon for til-konto, og du finn alle opplysningane der.
IBAN og BIC
IBAN i kombinasjon med BIC er definert som europeisk standard og skal brukast ved grensekryssande betalingar i Europa.
Det er obligatorisk at betalingar til land i Europa har mottakar sitt kontonummer i IBAN-format og BIC-kode til mottakar sin bank. Betalingar utan IBAN og BIC vil verta avvist og returnert, noko som medfører ekstra kostnad.
IBAN = International Bank Account Number - den nye standarden for bankkontonummer som vert brukt i Europa. Antal posisjonar i IBAN varierar frå land til land, men startar alltid med landkoden. IBAN er ein påbygging av eksisterande kontonummer. Eksempler.
BIC = Bank Identifer Code - er banken si unike adresse i SWIFT-adresseregisteret, og vert også kalla SWIFT-adresse. Antal posisjonar er 8 eller 11. (Bokstavar og ev. tal)
For å kunne gjere ein utanlandsbetaling til land i Europa må du ha desse opplysningane:
Namn og adresse til mottakar
Valutasort og beløp
IBAN-nummer til mottakar
SWIFT-/BIC-kode, eventuelt namn og adresse til mottakar sin bank
Det er ikkje tillatt med OUR (avsendar betaler alle kostnader) i kostnadskode til EU/EØS-land, dersom betalinga er i desse land sin myntsort og betalinga er utan veksling.
- f.eks GBP – GBP, NOK – NOK, SEK - SEK osv.
Det er heller ikkje tillatt med OUR (avsendar betaler alle kostnader) i kostnadskode til EU/EØS-land, dersom betalinga er i EUR (både veksling og ikkje veksling).
- f.eks dersom USD – USD vil OUR vera mogeleg. Vist det er veksling av andre myntsortar enn EUR som overføringsvaluta, f.eks SEK frå ein NOK-konto, vil OUR fortsatt vera tillatt.
Elektroniske betalingar der OUR er brukt feil, vil verta avvist i samband med avrekning.
For betaling til resten av verda vil det variere litt kva opplysningar som må brukast, men det mest vanlege er:
- BBAN og BIC
- BBAN samt bankkode* og namn
- Enkelte land i Asia og Afrika krev BBAN og BIC saman med banken/filialen sitt fulle namn og adresse.
BBAN = Basic Bank Account Number – er kontonummer i nasjonalt format. Dette skal brukast når IBAN ikkje er innført i mottakarlandet.
I tillegg må du ha:
Mottakar sitt namn og adresse
Valutasort og beløp
*Oversikt over nokre av dei landa som brukar bankkode:
Mottakarland Bankkode
Australia AU + 6 siffer
Canada CC + 9 siffer (hvis 8 start med 0)
Sør-Afrika ZA + 6 siffer
USA FW + 9 siffer (når du sender USD til USA, ved annan valuta til USA må BIC brukast)
Gode tips ved betaling til utlandet
• Alltid lurt å leggja betalinga til forfall – då kan du rette opp eventuelle feil
• Kontroller beløp og valutasort
• Betalingar innan Europa er stort sett enkle å gjennomføre – det er større risiko for feil når ein betaler til andre deler av verda
• Merk deg prisane for hasteoverføring og faks - og kva det kostar dersom banken må rette opp feil
Prisar
Sjå vår prisliste
Spørsmål?
Ta kontakt med oss – tlf. 56 52 35 00 eller post@vekselbanken.no eller kom innom – vi viser deg gjerne bruk av NettBanken.
